[頭頁]

[合訂本]

        1990年初美國L.A. 1 t„n台僑成立台文習作會（Taiwanese Writing Forum），定期讀寫台文作品，in t„ 1991年7月創辦《台文通訊》月刊，鼓勵「嘴講父母話」ê 台灣人學習「手寫台灣文」。

   《台文通訊》起頭由鄭良光先生擔任總編輯，第1冬免費送人看，第2冬為beh「長期抗戰」，開始正式招收訂戶（訂費1冬500）kap 贊助者，而且 t„ 台灣設總聯絡處 kap 總聯絡人（陳豐惠小姐），台灣總聯絡處初期借前衛出版社1角處理行政事務。93年到94年 t„ 各縣市舉辦讀者聯誼月會，帶動「講母語、讀台文」ê 聚會風氣，上鬧熱 ê 時bat 1個月辦15場。

        除去出版雜誌 kap 辦讀者聯誼會、台文讀冊會，為beh 多元化chhui-sak 台語文讀寫，mä 開台語文基礎班、揀選台語文學作品製作出版台語文學有聲叢刊 kap 台語文學叢書、到各校協助台語文相關社團開課 iah 是辦活動、製作主持電台台語文節目、推動台灣母語文化 iah 教學相關政策，參加其他社團 ê 活動加強無 kâng 議題團體 ê 交流 kap 互動。

   《台文通訊》內容注重對語言文化 kap 政治社會ê 關係 ê 分析評論，ta̍k 期 lóng有台語小說；除了鄭良光先生以外，iáu 有李勤岸先生、張秀滿女士 bat 擔任總編輯，現任總編輯是 bat 擔任加拿大台灣同鄉會會長 ê 葉國基先生。第25期到142期 ê 發行單位是北美  ê 「聰美姊紀念基金會」，台灣是由台文通訊台灣總連絡處(1992~1997) kap「李江却台語文教基金會」(1998年起)負責發行，自第143期了後，李江却台語文教基金會接手台文通訊海內外總發行工作，發行量至少2000份，tãk期16頁再生紙印刷。台灣以外，mā有美國、加拿大、日本連絡處由熱心 ê 志工負責ta̍k所在推展 ê 事工。

《台文通訊》台灣總聯絡處